給我一對翅膀-鸚鵡篇

貓頭鷹博士1：我都覺得好難得呀！我哋日間瞓覺，夜晚先出嚟活動，日間發生嘅一切，我哋都唔太清楚㗎。
貓頭鷹博士2：即係話我哋係屬於夜晚嘅世界㗎。
小鳥3：白天嘅世界鳥語花香，藍天白雲，景色怡人，你哋冇欣賞過呀？
貓頭鷹博士2：喺白天如果我哋勉強飛行，會好似飲醉酒咁東歪西倒，好危險㗎！
小鳥4：咁即係你哋唔會咁做？
貓頭鷹1-8：梗係啦⋯⋯
小鳥4：呢個缺陷咪會令你哋錯過優美嘅風景囉。
貓頭鷹博士1：小朋友，完美嘅世界應該包含埋不完美嘅存在先至夠完美㗎，明白嗎？小朋友⋯⋯
小鳥3、4：唔明。
貓頭鷹博士2：即係話我哋會接受呢個缺陷，快樂咁生活落去。